EgypToz: فلانتين مطاين بطين

Tuesday, February 13, 2007

فلانتين مطاين بطين


يوووه
حانرجع تانى لهبل يوم الفلانتين
يوم ساوداوى كئيب عقيم متخلف
كارثه كبرى ثلاثيه الابعاد
اعراض مرض وساويس الفلانتين تبدأ اسبوع قبل الفلانتين
يعنى اتعذب و اتبهدل و اتجرح و اقطع شريان ايدى بموس حلاقه ناسيت تو قبل يوم الفلانتين
ليه و علشان ايه...واى واى واى فور جود سيك
افتح عينى اتعمى بقلوب حمره ماليه الشوارع و البيبان
فى العربيات و المحلات
فى الفترينه و على الازاز
لون الدم لناس معندهاش دم
و كله يلبسلى لباس احمر
ماسك ايد بعض
نفسه يحضن بعض
او يبوس بعض

فوق يله
اهلا بك فى الواقع الاليم
احسنلى فى اليوم ده اقعد فى البيت اذاكر
حتى لو انا عمرى ما بذاكر فى حياتى اليوم ده بقه حذاكر
طب ما نخرج خروجه العزاب
و نلبس اسود فى اسود
و نشترى هدايا لبعضينا برضه
و ماله و احنا حاجه قليله
داحنا الشباب المحروم

انا عندى سلحفه زحلفه
احب فيها احسن
حاشتريلها خس و جرجير و اربطه بفيونكه خضره
و اشيلها فوق فوق فى السما
و اوريها الدنيا من شباك البلكونه
و اطبطب و ادلع
و ابوسها من رجليها
و انايمها فى صندوق مليان رمل و زلط
و كمان على ضهرها

انا مش معترف بيوم الفلانتين
مين اللى الف اليوم المهبب ده
انا الفلانتين بتاعى يوم 13 مارس
و مش اسمه فلانتين
اسمه فال و لا فالك
البتاعه ده اللى اسمه عيد الحب مستوردينه من بره
و احنا مش عاوزين نستورد التقاليع القليعه من الخارج
كفايه الهم اللى مكفينا
نقعد نحب فى بعض
ليه و علشان ايه
من الفضا اللى احنا فيه

بيزنيس الفلانتين
و ما قبل الفلانتين
و ما بعد الفلانتين
الناس تجرى فى الشوارع
تدور على هدايا
تشترى هدايا كتير كتير
و تغلف بورق كتير كتير
و جليتر كتير كتير
و تدفع
ايوه تدفع
و البياع يكسب
و الاقتصاد ينمو
و يتوغل
و ينتشر
و يستمر و يستمر و يستمر

كل مافتح التلفزيون
الاقى بيتكلموا عن تحضيرات الفلانتين
ينفع اشترى جزمه لحبيبى
و لا اشترى فرشه اسنان احسن علشان يتذكرنى بيها كل ما يحطها فى بقه
و العلاج النفساوى لكل حبيب و حبيبه
و كلام محشى كرمب بتاع ان عيد الحب مش للكبلز و بس و لكن لكل الناس
يعنى عندك اخت جبلها هديه
عندك ام و اب جبلهم هديه
عندك شغاله جبلها هديه
الحب يونيفرسال يا جماعه
و اللى مش لاقى حد يحضنه فى اليوم ده
يحضن المخده

الناس بتشترى ورد ليه
انا ما بحبش الورد خالص مالص
علشان مالهوش معنى
او بمعنى ادق
مش فاهمه
مش بستوعبه
شكله حلو...ماشى...
و ريحته حلوه... ماشين
و بعدين
و لا قبلين
حايدبل و بعد يومين حايموت

نفسى حد يحبنى و لو لمره
نفسى بقه اشترى لحد هديه حلوه
و اقعد الف و الف و ادوخ على المحلات
و اغلفها و احط فوقيها فيونكه بنفسجى
نفسى حد يفكر فيه كل يوم و افكر فيه
و يوم الفلانتين اعزمه على العشه
و يبقى حوالينا ورد بمبى فى ابيض
و شمعه تبقى أيده وسطينا
و ميوزيك سلو ورانا شغاله
و اطلع هديه من جيبى و اقول بحبك
من فضلكم عاوز حد يقوللى بحبك
ممكن لو سمحت تقوللى بحبك و بمووت فيك

تحذير اخير مثير
فى اليوم المشئوم
الفلانتينز داى
اى اتنين "كبلز" حاشوفهم ادامى
او اتنين حبيبه حبايب
او اتنين ماسكين ادين بعض
او واحد او واحده شايله دبدوبه
او دبدوب
او ورده
او اى حاجه
حادبحهم

ويز لووف ... سفاح الفلانتين

9 comments:

Mo'men said...

I'm confused ..
You loathe the Valentine theme and you want to experience it for yourself?

do you want the buy the huge pink bear and 5 dozen red roses and have a candle light dinner with celine dion chanting in the background?

Naaa .. :))
You almost had me fooled :)

Cheers for the commercial day and the zombees who follow it

WS said...

mo'men...I loathe the Valentine theme because I do not have someone to celebrate it with,especially when you are young,because it is sooo romantic,but I'm not a teenager anymore,and I had always the dream to experience it with someone before I get old...well I want to be a zombie too.

Fadwa said...

I never experienced "The Valentine"
thing either,but I don't think I missed alot

Seriously,the idea of having a day for couples to celebrate their "love" is more than silly..just another excuse to exchange gifts..I mean couples already celebrate their anniversary,isn't that enough??then comes birthdays..where they should express how much they mean to each other..

Also,most of the couples feel forced to celebrate it..no one of the couples I know are happy around The Valentine

Still,I understand how you feel,we all wish that someday we could spend that stupid stupid day with our love...don't we?guess I'm as silly as this day :)

WS said...

Edah...I am in shock ya gama3a...I never thought that this will happen to me in Valentine's Day...to buy a gift for someone and prepare myself for meeting and then receiving this:"sorry...can't go out today!!!!!!!!!!!!!!!"edah...edah...edah...878

Fadwa said...

Poor you!! what happened?!You are doing ok..aren't you?!

Dananeer said...

egyptoz
:)

ماشى يا سيدى بس كله الا الورد

البنى ادمين دول غلبانين اوى
لدرجه انهم بيمثلوا عشان يحسوا بمتعه

كوبرى الجامعه كده كان محتاجك امبارح
مش ممكن بجد

Anonymous said...

(و اغلفها و احط فوقيها فيونكه بنفسجى)

بغض النظر عن الفالنتاين.. أنا كييييييفت جدا على الفيونكه البنفسجي..
وبغض النظر عن "ليش" اخترت البنفسجي دون سواه.. فأنا مبسوطه جدا على الأقل حد فكر إن فيونكه بنفسجية يمكن أن تكون مناسبة جدا.

يا عم..

لا نتنظر ورة حمراء ولا كروهات ولا مخططة من أحد..

روح اهدي نفسك أحلى باقة ورد، لأن قيمتك جواك..

هنا.. الفالنتاين هنا ليس له ذلك الاكتراث العظيم، ع الأقل مش في رأس الخيمة المجيييييييدة.. :) وعليه الشعب الخيماوي هنا مرتاح جدا.. هما كام محل "أحمر".. ومفيش "أحمر" من هيك!

يا عم..

الشعب العربي الغلبان كله بيحبك.
ارتحت هيك؟


لك زنبقة بنفسجية (الزنبق يعني التيوليب، للي مش عارف)

reham said...

yemken el sana elli gaya rabena yekrem

WS said...

ma2darsh astana lel sana elly gaya, ana already estanet seneen fatet, a7sanly amot a7san walla a3yesh men 3'er hob.