EgypToz: صاحبنا طلع مش جاى

Thursday, January 18, 2007

صاحبنا طلع مش جاى

الجو بقى صقعه جدا ، فى من البشر كتير نفسهم إن التلج يجى مصر ، و فى من البشر كتير فاكرين إن الجو لازم يحصله حاجه علشان يبقى تلج ، و كل شويه نبص فى السما ونقول يا ترى هوه حيجى و لا مش جاى ، الجو عمره ما يكون نفسه يبقى تلج من نفسه ، علشان عارف إن معظم البشر ما بتتقبلوش ، بس لما الجو بيعرف خلاص انه حيكون تلج ما بيقدرش يمنع نفسه انه ينزل تلج ، بيحاول ينزل تلج خفيف علشان لما ينزل على البشر ما يتجرحوش ، بس فى اوقات بينزل التلج زى الحجر ، فبيكسر حاجات كتير ، الجو عارف انه مش حرام يكون تلج ، المهم انه يعرف الحدود فين و يحافظ على نفسه ابيض ، لانه لو لمس الطينه حيتوسخ ، ما بيهمهوش البشر يحترموه ، المهم انه يحترم نفسه و يقدرها ، و يعرف انه زى ما بينزل فى حتت كتيره فى العالم ممكن برضه ينزل فى مصر ، الجو نفسه يعرف ليه البشر بيخافوا من التلج ، مع انه فى معظم الاحيان مسالم ، مش لازم لما يكون فى تلج تكون فى معاه عاصفه ، البشر اللى فاكرين انهم عمرهم ما شافوا تلج فى حياتهم غير فى التلفزيون مش عارفين انهم عايشين مع التلج طول حياتهم ، بس محبوس فى الفريزر، لو التلج عاوز البشر تبلعه ممكن ببساطه ينسى نفسه فيسيح و يبقى ميه ، بس حيبقى خسر هويته ، علشان كده كتير من التلج بيتعرف بسهوله على التلج اللى زيه و يحب يلزق فيه فبيشعر بالراحه و الاطمئنان انه مش حيدوب بسرعه و يبقى حاجه مش عاوز يكونها ، الجو بيطلب من البشر انهم يسيبوا التلج ينزل فى سلام و يفهموا إنهم مش حيعرفوا يفهموا إن التلج دفيان، غير التلج نفسه، دالتلج زى المطر ، و الميه اصلهم

No comments: