القنوات المصيريه المتخس الخس المص المصاصه
اد ايه بتوحشنا مصر...ده اللى انا بحسه كل لما بروح عند الواد ده المعجون بالتربه المصريه...بالرغم ان الاوضه اللى اعد فيها دى تبعد الاف الاميال من مصر...بس برضه عاوز مصر...و عاوز يشوف اللى بيحصل فى مصر...راح جابله تلفزيون لذيذ صغير و طبق دش ...مخبيه فى الاوضه علشان لو عرفوا انه عنده دش لازم يدفع كل شهر رسوم اكتر- بس على مين...على المصرى...لأ ...ده انا اخبى الطبق و اللى عمل الطبق بس مدفعش...بس اتأكد الاول ان لازم يكون فيه النايل سات...و خلصت الحكايه...هو يصحى كل يوم متأخر...متدفى تحت اللحاف و الريموت فى ايده واديلو تلفزيون... ساب كل القنوات الفضائيه الاجنبيه الممله و هات على القناه الاولى المصريه...اصله متربى من صغره عليها... و بعديها يشوف القناه الفضائيه المصريه... علشان فيها استديو الرياضه والمذيع اللى فيها بيخلل ...اصدى بيحلل الماتشات الكرويه المصريه بدون انحياز... اصل صديقنا مابيحبش الانحياز...و بعدين القنوات دى معموله برضه مخصوص للناس اللى فى الغربه اللى زيه...مش كده برضه... يالا يا عم...استمتع بالقنوات المصريه المتخصصه
3 comments:
كنت بعمل سيرش على حاجه معينه مش هقول ايه هي ههههههههه
وصلت من خلالها للبلوج بتاعك
وخلال حوالي اسبوعين بكل وقت فاضي عندي قريت تقريبا اغلب البوستات بتاعتك
لحد ما وصلت اليوم لده
واعتقد انه اول بوست ليك
حبيت واستمتعت بكل اللي قريته
واكيد هرجع تاني اقرا اللي مقريتوش اول مره
وبانتظار مشاركاتك الجديده
عمرو علي
شكرا جدا على التعليق يا عمرو
ما تتخيلش قد ايه انا مبسوط إن فيه حد بيقرأ البلوج بتاعى
و على فكره ده اول بوست ليه
http://egyptoz.blogspot.com/2006/07/blog-post_15.html
يبقا نبدا من البوست ده ونمشي من الاول
انت اسلوبك بسيط وممتع بالكتابه وده اللي شدني اقرا واكمل
بس انت ليه متوقف ؟؟
وبمصر ولا لسه مسافر
Post a Comment